საკონსტიტუციო სასამართლოს თავმჯდომარის ერთ-ერთ კანდიდატად ირინა იმერლიშვილი დასახელდა. ამის შესახებ ჟურნალისტებს ახლადარჩეულმა მოსამართლემ გიორგი კვერენჩხილაძემ განუცხადა.

"პირად მე დავაყენე ქალბატონი ირინა იმერლიშვილის კანდიდატურა, სხვა მოსამართლეების ნაცვლად, ვერ გიპასუხებთ. გეტყვით იმას, რაც მეხება მე, სხვა კანდიდატურებზე ვერ გეტყვით", - განაცხადა გიორგი კვერენჩხილაძემ. 
მოსამართლე ლალი ფაფიაშვილის განცხადებით, დასახელდა სხვა კანდიდატურაც, თუმცა ვინ, არ დააკონკრეტა. "ეს საჯარო ინფორმაციაა და პრესსსამსახური გაავრცელებს ინფორმაციას", - განაცხადა ფაფიაშვილმა.

რაც შეეხება თავდ ირინა იმერლიშვილს, მან შენობა კომენტარის გარეშე დატოვა.