კვიპროსის ხელისუფლების განცახდებით, ის თურქეთსა და ევროკავშირს შორის მოლაპარაკებების დაბლოკვას გააგრძელებს.

როგორც ცნობილია, ევროკავშირი ამ საკითის გააქტიურებას ანკარასთვის ლტოლვილთა პრობლემების გადაჭრის დახმარების სანაცვლოდ აპირებს. კვიპროსი უკვე რამდენიმე წელია ევროკავშირში თურქეთის გაწევრიანებასთან დაკავშირებით მოლაპარაკებებს ბლოკავს, რაც ჩრდილოეთ კვიპროსში თურქეთის არმიის ყოფნით არის გამოწვეული.

”რამდენადაც არსებული მდგომარეობა შენარჩუნებულია, ჩვენ თანხმობის მიცემა არ შეგვიძლია”, - განაცხადა კვიპროსის საგარეო საქმეთა მინისტრმა იოანის კასულიდისმა.

კვიპროსი თურქეთის შეიარაღებული ძალების შეჭრის შემდეგ 1974 წლიდან ორად არის გაყოფილი. კუნძულის 37 პროცენტი ოკუპირებულია. ეს ტერიტორია 1983 წელს თურქეთმა ჩრდილოეთ კვიპროსის თურქულ რესპუბლიკად გამოაცხადა, რომელიც მხოლოდ თავად თურქეთმა აღიარა.