”ისლამური სახელმწიფოს” მეთაური აბუ ბაქრ ალ-ბაღდადი მოსულის შემოგარენში ავიაიერიშის შედეგად ცოცხალი გადარჩა. ამის შესახებ ტელეარხი As Sumaria იტყობინება.

არსებული ინფორმაციით, ავტომობილების კოლონა, სადაც საველე მეთაურები იმყოფებოდნენ, საერთაშორისო კოალიციის სამხედრო ავიაციების დარტყმის ქვეშ მოსულში ელ-გაბატის რაიონში მოექცა. ლიკვიდირებულია ათობით მებრძოლი, მათ შორის მეთაურის თანამებრძოლი აბუ მუსა ალ-მაღრიბი. ინციდენტის სხვა დეტალები უცნობია, ასევე უცნობია როგორ გადაურჩა ალ-ბაღდადი სიკვდილს.

მოსულის გათავისუფლების სამხედრო ოპერაცია ერაყის ხელისუფლებამ დღეს დილით დაიწყო. მასში მონაწილეობენ ერაყის რმია, ქურთთა გასამხედროებული ფორმირებები და საერთაშორისო ანტიტერორისტული კოალიციის სამხედრო ავიაცია. მოსული ერაყის სიდიდით მეორე ქალაქია, მას ”ისლამური სახელმწიფოს” მებრძოლები ორ წელზე მეტია აკონტროლებენ.