”ისლამური სახელმწიფო” ანკარაში  თურქეთის რესპუბლიკის დამაარსებლის მუსტაფა ქემალ ათათურქის მავზოლეუმსა და ქვეყნის პირველი პარლამენტის შენობაზე თავდასხმებს ამზადებდა. ამის შესახებ თურქეთის შს მინისტრმა სულეიმან სოილუმ განაცხადა.

მანამდე მედიის მიერ გავრცელებული ინფორმაციით, სპეცოპერაციისას ”ისლამური სახელმწიფოს” მებრძოლი მოკლეს, რომელიც ათათურქის მავზოლეუმსა და პარლამენტის შენობაზე თავდასხმას აპირებდა. პოლიციელებთან შეტაკებისას სავარაუდო ტერორისტი არ დაემორჩილა დანებების ბრძანებას, რის შემდეგაც მისი ლიკვიდაცია მოხდა. მის სახლში გამომძიებლებმა დიდი რაოდენობით ასაფეთექებლი ნივთიერება აღმოაჩინეს.