კიდევ ერთი დებატები გაიმართა ამერიკის შეერთებულ შტატებში ჰილარი კლინტონსა და დონალდ ტრამპს შორის. მიგრაცია, ქვეყნის შიდა ეკონომიკური საკითხები, ქალთა უფლებები და ბირთვული იარაღის გამოუყენებლობა - ამ საკითხებზე რიგით მესამე და ბოლო საპრეზიდენტო დებატებზე დემოკრატმა და რესპუბლიკელმა კანდიდატებმა ყველაზე ცხარედ იკამათეს.

როგორც წინა შემთხვევაში, არც ამჯერად ჩაუვლია დებატებს ვლადიმერ პუტინის გარეშე.

დონალდ ტრამპმა განაცხადა, რომ რუსეთის პრეზიდენტი პატივს არ სცემს ჰილარი კლინტონს, რაზეც კლინტონის პასუხი ასეთი იყო - "პუტინს პრეზიდენტად მარიონეტი ურჩევნია".

ტრამპის განცხადებით არჩევენებში კლინტონის გამარჯვებას არ აღიარებს. მისი ეს განცხადება უპრეცენდენტო მოვლენა გახდა მიმდინარე საპრეზიდენტო კაპმანიისას.

კლინტონი ცდილობდა ტრამპის ”გატეხვას” და მას ყველა ცოდვასა და სკანდალს ახსენებდა. მილიარდერმა თავის მხრივ ეჭვი შეიტანა იმაში, რომ კლინტონს არჩევნებში მონაწილეობის უფლება არ ჰქონდა და მას ”ბოროტი ქალი” უწოდა.

CNN-ის ბლიც-გამოკითხვის მიხედვით ტელემაყურებელთა 52 პროცენტი კლინტონს უჭერს მხარს, 39 % კი - ტრამპს.