კიდევ ერთმა ქალმა დაადანაშაულა პრეზიდენტობის კანდიდატი დონალდ ტრამპი სექსუალური ხასიათის შევიწროვებაში.

45 წლის იოგის ინსტრუქტორი კარენა ვირჯინია მეათე ქალია, რომელმაც მილიარდერის უღირსი საქციელის შესახებ ისაუბრა.

როგორც ვირჯინიამ პრეს-კონფერენციაზე განაცხადა, 1998 წელს აშშ-ის ჩოგბურთის ღია პირველობაზე ტრამპმა მას ხელები ჩასჭიდა და მკერდზე შეეხო.

კარენა ვირჯინიას თქმით, ტრამპი მამაკაცებს მასზე უთითებდა და ამბობდა: ”ეი, შეხედეთ მას. ასეთი რამ ჯერ  არ გვინახავს, შეხედეთ მის ფეხებს”.

ვირჯინიამ აღნიშნა, რომ იმ დროს ის თავს შეშინებულ და უმწეო ქალად გრძნობდა. ”თითქოს ნივთი ვიყავი და არა ადამიანი”, -ამბობს ვირჯინია. მანამდე ტრამპი სხვადასხვა ხასიათის სექსუალურ შევიწროვებაში ცხრა ქალმა დაადანაშაულა. თავად საპრეზიდენტო კანდიდატმა ყველა ბრალდება უარყო და განაცხადა, რომ ცხოვრებაში მსგავსი საქციელის უფლებას საკუთარ თავს არასდროს მისცემდა.