”ისლამური სახელმწიფოს” მებრძოლები მოსულთან მდებარე სოფლების მცხოვრებლებს ცოცხალ ფარად იყენებენ
”ისლამური სახელმწიფოს” მებრძოლებმა მოსულთან ახლოს მდებარე სოფლიდან 550 ოჯახი გაიტაცეს და მათ ცოცხალ ფარად იყენებენ. ამის შესახებ გაეროს ადამიანის უფლებების დაცვის უმაღლესი კომისრის სამმართველოს მდივანმა რავინ შამდასანიმ განაცხადა. როგორც ”როიტერი” იტყობინება, გაერო ასევე სწავლობს ერთ-ერთი სოფლის 40 მშვიდობიანი მცხოვრების მკვლელობას.
ერაყის სამთვარობო არმიამ საერთაშორისო კოალიციის მხარდაჭერით 17 ოქტომბერს მოსულის გათავისუფლების ოპერაცია დაიწყო. ქალაქს 2014 წლიდან ”ისალმური სახელმწიფო” აკონტროლებს.
