გარდაცვლილი ქართველი მეზღვაური საქართველოში გადმოასვენეს
23 წლის ქართველი მეზღვაური, რომელიც თურქეთში გარდაიცვალა, რამდენიმე წუთის წინ სარფის საბაჟოზე გადმოასვენეს. გადმოსვენების პროცესი თურქულმა კომპანიამ უზრუნველყო.
გარდაცვლილს ადგილზე ოჯახის წევრები დახვდნენ.
ახალგაზრდა მეზღვაური ქალაქ ქუთაისიდან იყო. იგი თურქული დროშის ქვეშ მცურავ გემზე მუშაობდა.
მეზღვაური 2 დღის წინ, 21 ოქტომბერს გარდაიცვალა.
