ფოთში, შავი ზღვის დაბინძურების გამო კამბოჯის დროშით მცურავმა გემის კაპიტანი 65 ათასი ლარით დაჯარიმდა. გარემოსდაცვითი ზედამხედველობის დეპარტამენტის ინფორმაციით, შავი ზღვის დაცვის კონვენციური სამმართველოს თანამშრომლებმა, სასაზღვრო პოლიციის წარმომადგენლებთან ერთად გემის მიერ შავი ზღვის დაბინძურების ფაქტი გამოავლინეს. კამბოჯის დროშით მცურავმა გემმა ფოთის ნავსადგურში სამეურნეო ფეკალური წყლები ჩაღვარა.

საქართველოს ტერიტორიული წყლების დაბინძურებისთვის გემის კაპიტანი 65 000 ლარით დაჯარიმდა. მასვე დაეკისრა გარემოსთვის მიყენებული ზიანის 4 290 ლარის გადახდაც.

აღსანიშნავია, რომ სამართალდამრღვევი საქართველოს ტერიტორიულ წყლებს ჯარიმის გადახდის შემდეგ დატოვებს.