„გავიქეცი ყველაზე მკაცრი ციხიდან“ - გაქცეული პატიმრის წერილი ციხიდან და 2 თვიანი თავისუფალი ცხოვრება
გაქცევის წყურვილი მამოძრავებდა, ჩემი ცხოვრება ისე აეწყო, რომ ციხეში უფრო ბევრი მაქვს ნაცხოვრები, ვიდრე გარეთ, ამის შესახებ სასამართლო დარბაზიდან გაქცეული პატიმარი ოთარ ვარამაშვილი იმ წერილში წერს, რომელიც მან გადაცემას „იმედის დრო“ გაუგზავნა და გაქცევის გეგმის შესახებ აცნობა.
2 თვიანი ძებნის შემდეგ, ვარამაშვილი რესტორანში დააკავეს. ის ცოლი მოყვანას აღნიშანავდა, რა დროსაც სამართალდამცველებმა მას მიაგნეს.
“დიდი ხანი ვემზადებოდი, გაქცევის წყურვილი მამოძრავებდა, ჩემი ცხოვრება ისე აეწყო, რომ ციხეში უფრო ბევრი მაქვს ნაცხოვრები, ვიდრე გარეთ. ვემზადებოდი გასაქცევად და პურისგან გავაკეთე ხელყუმბარა, რათა დრო მომეგო. შევძელი ამ ხელყუმბარის გამოტანა ციხიდან და შევქმენი ფონი, რომ სუსტად ვიყავი. საბადრაგო სამსახურმა მოადუნა ყურადღება და გავიქეცი ყველაზე მკაცრი ციხიდან. შემდეგ გავიგე, რომ ბადრაგის თანამშრომლებიც დაუკავებიათ. არადა ეს ადამიანები რა შუაში არიან. ყველაფერი მარტომ დავგეგმე და განვახორციელე. თუმცა პროკურორი ამბობს, რომ შეთანხმებული ვიქნებოდი ვინმესთან და გაქცევაში მომეხმარნენ. ეგეთი რამ არ ყოფილა”, - წერს ვარამაშვილი.
