”ისლამური სახელმწიფოს” ტერორისტებმა თავიანთი თანამებრძოლები ცოცხლად დაწვეს
”ისლამური სახელმწიფოს” მებრძოლებმა ქალაქ მოსულში ცხრა თანამებრძოლი ცოცხლად დაწვეს. ტელეარხ Al Sumaria-ის ინფორმაციით, ისინი ქალაქიდან გაქცევის მცდელობისთვის დასაჯეს.
ტელეარხის წყაროს ინფორმაციით ტერორისტებმა თავიანთი თანამებრძოლები ხელ-ფეხშეკრულები ნავთობით სავსე ორმოში ჩაყარეს და ცეცხლი წაუკიდეს.
მოსულის გათავისუფლების ოპერაცია 17 ოქტომბერს დაიწყო. მასში ერაყის შეიარაღებული ძალები, საერთაშორისო კოალიცია, ქურთების პეშმერგას შენაერთები და სხვა გასამხედროებული ფორმირებები მონაწილეობენ.
