სარფის საბაჟოზე მიმოსვლა დილიდან შეფერხებულია. თურქეთის ტერიტორიაზე შესვლას ვერ ახერხებენ ვერც ფიზიკური პირები და ვერც სატვირთო ავტომობილები.

თურქეთის საკონსულოს წარმომადგენლები აცხადებენ, რომ პრობლემა შეექმნა სერვწერებს და და თურქეთს ყველა სასაზღვრო პუნქტთან აქვს შეფერხება, მათ შორის აეროპორტებსაც.

რაც შეეხება საქართველოს შემოსავლების სამსახურს, აქ აცხადებენ, რომ სარფის საბაჟო-გამშვებ პუნქტზე თურქული მხრიდან შეზღუდვები გუშინ, ღამით დაწყო.

"დიდი შეფერხებებით მიმდინარეობდა გადაადგილება, ხოლო დღეს, 09:00 საათზე, არამარტო სატვირთო, არამედ ფიზიკური პირების გადაადგილებაც შეიზღუდა. როგორც გვითხრეს, მიზეზი სერვერების გათიშვა გახდა. ჩვენი მებაჟეები არიან მუდმივ კონტაქტში თურქ მებაჟეებთან. ისინი მუშაობენ ამ ტექნიკურ პრობლემაზე და იმედს გვაძლევენ, რომ მთლიანად აღმოიფხვრება პრობლემა მოკლე დროში", - განგვიცხადეს შემოსავლების სამსახურში. 

გავრცელებული ინფორმაციით, არსებული ვითარება თურქეთში გამოცხადებულ საგანგებო მდგომარეობას უკავშირდება.