ბოლო ორი კვირის განმავლობაში სირიაში 5 სკოლა დაიბომბა
11 ოქტომბრიდან დღემდე სირიაში 5 სკოლა დაიბომბა. ამ ინფორმაციას “იუნისეფი” ავრცელებს. როგორც ორგანიზაციის დირექტორმა განაცხადა, ბოლო დაბომბვისას სირიის ჩრდილოეთ ნაწილში 22 ბავშვი და 6 მასწავლებელი დაიღუპა. მომხდარს გამოეხმაურა გაეროს გენერალური მდივანი. ბან კი მუნის თქმით, იმ შემთხვევში, თუ იერიში შეგნებულად განხორციელდა, ეს სამხედრო დანაშაულად შეფასდება.
