თურქეშთი გიულენთან კავშირის გამო მასობრივი დაკავებები გრძელდება
ანკარის პროკურატურამ განათლების სისტემის 103 თანამშრომლის დაკავების სანქცია გასცა. ისინი ოპოზიციონერ ფეთჰულაჰ გიულენის ორგანიზაციასთან კავშირში არიან ეჭვმიტანილნი. ტელეარხ NTV-ის ცნობით, ოპერაცია ქვეყნის 16 პროვინციაში მიმდინარეობს. უკვე დაკავებულია 31 ადამიანი.
16 ივლისს თურქეთში სამხედრო გადატრიალების მცდელობისას სტამბოლსა და ანკარაში 240-ზე მეტი ადამიანი დაიღუპა, 2 ათასზე მეტი კი დაიჭრა. ხელისუფლებამ გიულენი გადატრიალების მცდელობასთან კავშირში დაადანაშაულა და აშშ-ს მისი ექსტრადიცია მოსთხოვა. გიულენთან კავშირში ქვეყნის მასშტაბით 32 ათასი ეჭვმიტანილია დაკავებული.
