21 ოქტომბერს, ფინანსთა მინისტრი ნოდარ ხადური მსოფლიო ბანკის ვიცე-პრეზიდენტს სირილ მიულერს შეხვდა, რომელმაც საქართველოს პორტფელი ივნისში ბანკის ყოფილი ვიცე-პრეზიდენტისგან, ლორა ტაკისაგან ჩაიბარა.

  შეხვედრაზე მხარეებმა ისაუბრეს საქართველოსა და მსოფლიო ბანკის თანამშრომლობის ყველა მიმართულებაზე, ასევე საქართველოს რეგიონალურ როლზე ეკონომიკური და ინტელექტუალური თვალსაზრისით.

 აღსანიშნავია, რომ ფინანსთა მინისტრი და მსოფლიო ბანკის ვიცე-პრეზიდენტი ერთმანეთს პირველად საერთაშორისო სავალუტო ფონდისა და მსოფლიო ბანკის ყოველწლიური შეხვედრის ფარგლებში, ქ.ლიმში შეხვდნენ.

 პერუში გამართულ შეხვედრაზე სირილ მიულერმა საქართველოსთან ურთიერთობის შემდგომი გაფართოების მზადყოფნა გამოთქვა და აღნიშნა, რომ თანამშრომლობის ცალკეულ სფეროებში ვითარების უფრო ღრმად შესასწავლად, იგი საქართველოს უახლოეს პერიოდში ესტუმრებოდა.