ფლორიდაში  19 წლის ოსტინ ჰარუფმა ცოლ-ქმარი მოკლა და შემდეგ შეჭამა. როგორც გამოცემა Daily Mail-ი წერს, ის პოლიციამ მოკლული 59 წლის ჯონ სტივესნისა და მისი ცოლის 53 წლის მიშელ მიშონის ავტოფარეხში იპოვნა. 19 წლის ბიჭი მხოლოდ ტრუსის ამარა იჯდა, გამოსცემდა ცხოველურ ხმას და მოკლული მამაკაცის სახეს კბილებით გლეჯდა.

”მიშველეთ, მე რაღაც ცუდი შევჭამე”, -უთხრა ოსტინმა ავტოფარეხში შესულ პოლიციელებს. შერიფი უილიამ სნაიდერი იხსნებს, რომ პისტოლეტის მუქარით სთხოვდნენ სტივენსოსნის სხეულისთვის გაეშვა, მაგრამ ის ბრძანებას არ ემორჩილებოდა. პოლიციელები იძულებულნი გახდნენ ელექტროშოკი გამოეყენებინათ.

სამართალდამცველებმა ის საავადმყოფოში გადაიყვანეს. როდესაც მას ექიმებმა ჰკითხეს, თუ რა შეჭამა, ოსტინმა უპასუხა, რომ მან ადამიანები შეჭამა.

ოსტინ ჰარუფმა მკვლელობის გარდა კიდევ ერთი დანაშაული ჩაიდინა. მან დაჭრა ჯონისა და მიშელის მეზობელი 47 წლის ჯეფ ფიშერი, რომელიც მეზობლების დახმარებას ცდილობდა.

ოსტინმა კომატოზურ მდგომარეობაში საავადმყოფოში დიდი დრო გაატარა. მას არ უმუშავებდა შინაგანი ორგანოები, რადგან ავტოფარეხში ქიმიკატები დალია.

ერთი თვის წინ მისი ჯანმრთელობის მდგომარეობა გაუმჯობესდა, რის შედეგადაც ოსტინი მარტინის ოლქის ციხეში გადაიყვანეს. ახალგაზრდა კაცს განზრახ მკვლელობასა და მკვლელობის მცდელობაში ადანაშაულებენ. გამოძიების ფედერალური ბიურო დღემდე ატარებს, ტესტებს, რათა დარწმუნდეს, რომ ოსტინი დანაშაულის ჩადენისას ნარკოტიკების ზემოქმედების ქვეშ არ იმყოფებოდა. სტივენსისა და მიშონის ნათესავები ჰარუფის სიკვდილით დასჯას მოითხოვენ.