”ალ-ჯაზირა”: საერთაშორისო კოალიციის საჰაერო იერიშს მოსულში 14 მშვიდობიანი მცხოვრები ემსხვერპლა
სულ მცირე 14 მშვიდობიანი მცხოვრები დაიღუპა მოსულში საერთაშორისო კოალიციის საჰაერო იერიშის შედეგად. ამის შესახებ ტელეარხი ”ალ-ჯაზირა” წყაროზე დაყრდნობით იუწყება.
ტელეარხის ცნობით, ავიადარტყმები ქალაქის სამხრეთ-აღმოსავლეთ ნაწილში განხორციელდა. მომხდარის სხვა დეტალები უცნობია.
მოსულის გათავისუფლების ოპერაცია 17 ოქტომბერს დაიწყო. მასში ერაყის არმია, საერთაშორისო კოალიცია აშშ-ის მეთაურობით, ადგილობრივი რაზმები და ქურთა ”პეშმერგას” შენაერთები მონაწილეობენ.
