რუსეთის ეკონომიკური განვითარების მინისტრი დააკავეს
რუსეთის ეკონომიკური განვითარების მინისტრი ქრთამის აღების გამო დააკავეს. როგორც საგამოძიებო კომიტეტი იტყობინება, ალექსეი ულიუკაევის წინააღმდეგ სისხლის სამართლის საქმე აღიძრა. როგორც წინასწარი გამოძიებით გაირკვა, მან 14 ნოემბერს კომპანია როსნეფტისგან ქრთამის სახით 2 მილიონი დოლარი აიღო. ოფიციალურ ბრალდებას მას დღეს წაუყენებენ.
