კრემლის პრესსამსახურის ინფორმაციით, აშშ-ის არჩეულ პრეზიდენტს, დონალდ ტრამპსა და რუსეთის პრეზიდენტ ვლადიმერ პუტინს შორის სატელეფონო საუბარი შედგა. 

კრემლის ცნობით, პუტინმა ტრამპს არჩევნებში გამარჯვება მიულოცა, წინასაარჩევნო პროგრამის წარმატებით განხორციელება უსურვა და  ახალ ადმინისტრაციასთან დიალოგის გამართვის მზადყოფნა გამოთქვა, რომელიც ურთიერთპატივისცემისა და შიდა საქმეებში ჩაურევლობის პრინციპებს დაეფუძნება. 

რუსეთის პრეზიდენტის ადმინისტრაციის ცნობით, მხარეები შეთანხმდნენ, რომ ორი ქვეყნის ურთიერთობები ამ ეტაპზე არადამაკმაყოფილებელია და ასევე გამოთქვეს მზადყოფნა, მათი დარეგულირებისა და საკითხების ფართო სპექტრის გარშემო კონსტრუქციული თანამშრომლობის მიმართულებით. ხაზი გაესვა ომხრივი სავაჭრო-ეკონომიკური ურთიერთობების გაღრმავების საკითხსაც. 

საუბარი შეეხო ტერორიზმთან და ექსტრემიზმთან ერთობლივი ბრძოლის და სირიის კრიზისის დარეგულირების საკითსაც.