ქაბულში მომხდარ აფეთქებას 4 ადამიანი ემსხვერპლა
სულ მცირე ოთხი ადამიანი დაიღუპა და 11 დაიჭრა ქაბულში მომხდარი აფეთქების შედეგად. ტელეარხ TOLO News-ის ცნობით, უშიშროების ძალების თანამშრომლების ავტომობილი აფეთქდა. სავარაუდოდ, ასაფთქებელი მოწყობილობა ტერორისტმა-თვითმკვლელმა აამოქმედა.
პოლიციის ცნობით, ავტომობილი, რომელშიც ასაფეთქებელი მოწყობილობა იყო დამონტაჟებული,
უშიშროების ძალების ხელმძღვანელს ეკუთვნოდა. მიმდინარეობს გამოძიება.
