ერაყში აფეთქებას 8 ადამიანი ემსხვერპლა
სულ მცირე 8 ადამიანი დაიღუპა და 6 დაშავდა ბაღდადთან თვითმკვლელი ტერორისტის თავდასხმის შედეგად. ფრანს პრესის ინფორმაციით, ინციდენტი აინ ათ-თამრის დასახლებულ პუნქტში მოხდა. თავადასხმაში 6 თვითმკვლელი ტერორისტი მონაწილეობდა. ხუთი მათგანი მანამდე გაანადგურეს, ვიდრე თავს აიფეთქებდნენ.
ტერორისტები დასახლებულ პუნქტში შეღწევას ცდილობდნენ, როდესაც უსაფრთხეობის ძალებთან შეტაკება მოხდა. მეექვსე ტერორუსტმა ასაფეთქებელი მოწყობილობის ამოქმედება მოასწრო.
თავდასხმაზე პასუხისმგებლობა რეგიონში მოქმედ არცერთ ტერორისტულ დაჯგუფებას ჯერ არ აუღია.
