საბერძნეთის დედაქალაქში პოლიციასა და დემონსტრანტებს შორის შეტაკება მოხდა. ათენში არეულობა პოლიტექნიკურ უნივერსიტეტთან დაიწყო, აქციის მონაწილეებმა დაწვეს საბერძნეთის დროშა.

დმეონსტრანტები სტუდენტური რევოლუციის 43-ე წლისთავს აღნიშნავდნენ. აქციის მონაწილეები აშშ-ის საელჩოსთან შეიკრიბნენ, შემდეგ კი უნივერსიტეტისკენ გადაინაცვლეს.

აქციის მონაწილეებმა უნივერსიტეტის ერთ-ერთი შენობა დაიკავეს, სადანაც გადმოყარეს ავეჯი ბარიკადების ასაგებად. ვითარება მას შემდეგ გამწვავდა, რაც დემონსტრანტებმა ქვები და ხელნაკეთი ასაფეთქებლები პოლიციელებს დაუშინეს.

 საპროტესტო აქცია ამ თარიღთან დაკავშირებით თითქმის ყოველ წელს იმართება საბერძნეთში, რაც ხშირად მოქმედი ხელისუფლების პოლიტიკის საწინააღმდეგო გამოსვლით მთავრდება.