უცნობმა პირებმა ბავშვის დაბადების დღის აღსანიშნავ ზეიმზე ცეცხლი გახსნეს
შეიარაღებული უცნობი პირები ორი წლის ბავშვის დაბადების დღის აღსანიშნავ ზეიმს თავს დაესხნენ. ბავშვის დედა დაიღუპა, სულ მცირე 7 ადამიანი კი დაიჭრა. ტელეარხ WMCA-ს ინფორმაციით, ინციდენტი ამერიკის ტენესის შტატის ქალაქ დაიერსბერგში მოხდა. დაჭრილები, რომელთა შორის 6 წლის ბავშიც იყო, საავადმყოფოში გადაიყვანეს. უსაფრთხოების მიზნით საავადმყოფოს პოლიციელები იცავენ.
მეზობლების ვარაუდით, სროლა ადგილობრივ კრიმინალურ ჯგუფებს შორის დაპირისპირების შედეგად მოხდა.
სამართალდამცველები ბოროტმოქმედებს ეძებენ, მათი თქმით, დანაშაული სამმა თავდამსხმელმა ჩაიდინა.
