ასიათასობით პენსიონერისთვის იმედების გაცრუებაა, როდესაც მათ პენსიის გაზრდაზე უარს ეუბნებით - აბესაძე კვირიკაშვილს
"ის, რაზეც დღეს ხელისუფლება საუბრობს, ალტერნატიული რეალობაა" - აღნიშნულის შესახებ "ერთიანი ნაციონალური მოძრაობის" დეპუტატმა ირაკლი აბესაძემ ისაუბრა.
"ასიათასობით პენსიონერისთვის იმედების გაცრუებაა, როდესაც მათ პენსიის გაზრდაზე უარს ეუბნებით. ინფრასტრუქტურულ პროექტებზე დახარჯული მილიონობით ლარი კი ეკონომიკურ ზრდაზე დადებითად არ აისახება, რადგან დახარჯული თანხა ყოველთვის გაკეთებულ საქმეს არ ნიშნავს, თუ ამ თანხას კორუფცია შეჭამს. თანამდებობაზე ყოფნა ნაცვლად საზოგადოების კეთილდღეობის გარანტიისა თქვენ აქციეთ პირადი კეთილდღეობის უზრუნველყოფის გარანტიად. საზოგადოებას ვერა, მაგრამ მინისტრებს მოგილოცავთ, რომ თქვენ იშოვეთ ამ უმუშევრობის ფონზე ძალიან კარგი სამსახური", - განაცხადა აბესაძემ.
