ჯიხადისტებმა ერაყში 17 მშვიდობიანი მცხოვრები სიკვდილით დასაჯეს
”ისლამური სახელმწიფოს” მებრძოლებმა ერაყში კირკუკის პროვინციის 17 მშვიდობიანი მცხოვრები სიკვდილით დასაჯეს. ამის შესახებ ინფორმაციას ერაყული ტელეარხი Al Sumaria ადგილობრივ წყაროზე დაყრდნობით ავრცელებს.
პროვინცია ქვეყნის ჩრდილოეთ ნაწილში მდებარეობს. სასტიკი ანგარიშსწორება ჯიხადისტების მიერ კონტროლირებად ქალაქ ელ- ჰავიჯას მახლობლად მოხდა.
წყაროს ინფორმაციით, ისლამისტებმა მშვიდობიანი მოქალქეები დახვრიტეს. მისიევ ცნობით, ტერორისტებმა სიკვდილით დასჯის პროცესი ვიდეოკამერით გადაიღეს. დასჯის გადაწყვეტილება მებრძოლების მეირ შექმნილმა ”ქალაქის შარიათის სასამართლომ” მიიღო.
