სირიელი ამბოხებულები ალეპოს დატოვებაზე დათანხმდნენ. ამის შესახებ გაეროში რუსეთის წარმომადგენელმა ვიტალი ჩურკინმა განაცხადა. შეთანხმებას თვად ამბოხებულებიც ადასტურებენ. ქალაქის აღმოსავლეთ ნაწილიდან, რომელსაც ამბოხებულები აკონტროლებდნენ, მოსახლეობის ევაკუაცია განხორციელდება.

”როიტერი” თურქეთის ხელისუფლების წყაროზე დაყრდნობით იუწყება, რომ სირიელი ამბოხებულები და მშვიდობიანი მცხოვრებლები ალეპოს დატოვების შემდეგ გადაადგილებას ქალაქ იდლიბის მიმართულებით შეძლებენ, რომელსაც ამბოხებულები აკონტროლებენ.

გაეროს წარმომადგენლებმა ასადის არმია მშვიდობიანი მცხოვრებელბის მკვლელობაში ადანაშაულებენ. გაეროს ადამიანის უფლებათა დაცვის უმაღლესი კომსირის ოფიციალურმა წარმომადგენელმა რუპერტ კოლვილმმა განაცხადა, რომ სირიელი სამხედროები საცხოვრებელ სახლებს თავს ესხმიან და მშვიდობიან მოქალაქეებს, მათ შორის ქალაბსა და ბავშვებს ხოცავენ.