გაზის გაჟონვის შედეგად ბებია და შვილიშვილი გარდაიცვალა
ბებია და შვილიშვილი გარდაიცვალა თბილისში - წინასწარი ინფორმაციით, ტრაგედია გაზის გაჟონვას უკავშირდება. შემთხვევა წყნეთის ქუჩის 6 ნომერში ღამით მოხდა.
ადგილზე მობილიზებული იყო საპატროლო პოლიცია და სასწრაფო დახმარების ბრიგადა. მომხდარს ადასტურებენ შინაგან საქმეთა სამინისტროში. აღძრულია სისხლის სამართლის საქმე 240-ე მუხლით, რაც უსაფრთხოების ნორმების დარღვევას გულისხმობს.
