ეიფელის კოშკი ალეპოს მოსახლეობისადმი სოლიდარობის ნიშნად ჩააბნელეს
ალეპოს მოსახლეობის მიმართ სოლიდარობის ნიშნად პარიზში ეიფელის კოშკის განათება ჩააქრეს.
“სიმბოლური ჟესტის მიზანია, კიდევ ერთხელ შევახსენოთ საერთაშორისო თანამეგობრობას, რომ სასწრაფო მოქმედებაა საჭირო”, - განაცხადა საფრანგეთის დედაქალაქის მერმა ან იდალგომ.
პარალელურად, პარიზში ალეპოს მოსახლეობის მხარდამჭერი აქცია გაიმართა.
დედაქალაქის მოსახლეობამ ასადის რეჟიმის აგრესიის შედეგად დაღუპულთა ხსოვნას პატივი მიაგეს და ძალადობა დაგმეს.
