ალეპოდან მშვდობიანი მოსახლეობისა და ამბოხებულების ევაკუაცია მიმდინარეობს. თავდაპირველად ქალაქიდან იდლიბისკენ  შეიარაღებული ამბოხებულების გაყვანა დაიწყო, შემდეგ კი ომის ერთი ზონიდან მეორეში ასობით მშვიდობიანი მოქალაქე წაიყვანეს, რომელთა შორის ბევრი ბავშვია.

სხვადასხვა მონაცემებით ქალაქში 50-დან 100 ათასამდე  მშვიდობიანი მცხოვრებია დარჩენილი. ევაკუაციის პროცესში ჩართულია ავტობუსები და სასწრაფო დახმარების მანქანები. ამბოხებულები გადაადგილებისათვის საკუთარ ტრანსპორტსაც იყენებენ.

მოსახლეობას  ალეპოში დარჩენასა და იდლიბში წასვლას შორის არჩევანის გაკეთება უწევს.  სავარაუდოდ, იდლიბი სამთავრობო ძალების შემდეგი შეტევის ობიექტი იქნება. სახელისუფლებო ძალები იდლიბზე არაერთ საჰაერო დარტყმას ახორციელებენ.