ევროკავშირმა რუსეთს სანქციები 6 თვით გაუგრძელა
ევროკავშრის წევრი სახელმწიფოების ლიდერები რუსეთის წინააღმეგ სანქციების კიდევ 6 თვით გაგრძელებაზე შეთანხმდნენ. მათ მოსკოვი ყირიმის ანექსიაში კიდევ ერთხელ დაადანაშაულეს, თუმცა ეკონომიკური სანქციების გახანგრძლივების მთავარი მოტივი სირიაში რუსეთის მოქმედება გახდა. ევროკავშრის სამიტს ნატოს გენერალური მდივანიც დაესწრო. მისი თქმით, აუცილებელია სირიის კონფლიქტის მოგვარება გაეროს კონტროლქვეშ მოხდეს. ამასთან, სტოლტენბერგმა ორშაბათს ნატო-რუსეთის საბჭოს ელჩების შეხვედრა დააანონსა.
