თურქეთსა და გერმანიაში მომხდარ თავდასხმებზე შეფასებები კეთდება თბილისში. განცხადებები საპარლამენტო უმრავლესობისა და უმცირესობის წევრებმა გააკეთეს. პარლამენტის ვიცე სპიკერის თამარ ჩუგოშვილის თქმით, მომხდარი ფაქტები ცივილიზებული მსოფლიოს დაუცველობის განცდას აჩენს.

„თურქეთში მომხდარი ფაქტი უკვე შეფასდა, როგორც ტერორისტული აქტი. ზოგადად, ძალიან მძიმეა ამ ტერორის ყურება, რომელიც აჩენს განცდას, რომ დაუცველია ცივილიზებული სამყარო და ძალიან მძიმეა ეს ყველაფერი. მე იმედი მაქვს, რომ მსოფლიო ლიდერები ამ ყველაფერთან გამკლავებას,“ - განაცხადა თამარ ჩუგოშვილმა.

თურქეთსა და გერმანიაში მომხდარ თავდასხმებს გმობენ და ტერორიზმის წინააღმდეგ ბრძოლაში ქვეყნის აქტიური მონაწილეობის აუცილებლობაზე საუბრობენ ”ნაციონალურ მოძრაობაში”.

„ძალადობა და ტერორიზმი - ეს არის დასაგმობი და ძალიან დიდი გამოწვევა დღეს ცივილიზებული სამყაროსთვის. რა თქმა უნდა, ყველა უნდა გაერთიანდეს იმის წინააღმდეგ, რომ არავის მიმართ ძალადობა არ იყოს პოლიტიკური მიზნების მიღწევის ხერხი. ჩვენ ძალიან მყარად უნდა ვიყოთ იმ პოზიციაზე, რომ საერთაშორისო თანამეგობრობასთან ერთად გავაკეთოთ ყველაფერი იმისთვის, რომ დავამარცხოთ ეს საერთო საფრთხე,“ - აცხადებს ელენე ხოშტარია.