სირიის არმიამ ალეპოზე კონტროლი სრულად აღადგინა
სირიის არმიამ ალეპოზე კონტროლი სრულად აღადგინა. აღმოსავლეთ ნაწილს დიდი ხნის განმავლობაში ამბოხებულები აკონტროლებდნენ.
სამხედროების მტკიცებით, ქალაქის აღმოსავლეთ ნაწილი ბოლო ამბოხებულმა და მშვიდობიანმა მოქალაქემ დატოვა. თავის განცხადებაში არმია ალეპოს აღებას ”ტერორიზმთან ბრძოლაში სტრატეგიულ გარდატეხას უწოდებს.
ალეპოში საბრძოლო მოქმედებების დასრულებას ზეიმობენ. ადგილობრივი მოსახლეობა სამთავრობო ჯარებს ასადის პორტრეტებით ხვდება. მანამდე ქალაქი 35 ათასზე მეტმა ადამიანმა დატოვა. საერთაშორისო წითელი ჯვრის ორგანიზაციამ ევაკუაციის პროცესი დასრულებულად გამოაცხადა.
