მილანში სამართალდამცველებმა  ბერლინის საშობაო ბაზრობაზე თავდასხმაში ეჭვმიტანილის ლიკვიდირება განახორციელეს. ამის შესახებ ”როიტერი” იტალიის სპეცსამსახურებზე დაყრდნობით იტყობინება.

ინციდენტი გვიან ღამით მოხდა, როდესაც პოლიციამ უცნობი მამაკაცი საბუთების შემოწების მიზნით გააჩერა. მამაკაცმა ”ალაჰუ აკბარის” შეძახილით პოლიციელებს ცეცხლი გაუხსნა. ორმხრივი სროლის შედეგად უცნობი  გარდაიცვალა, ერთი პოლიციელი კი დაიჭრა.

იდენტიფიცირების შედეგად აღმოჩნდა, რომ ის ტუნისელი ანის ამრი იყო.

19 დეკემბერს ბერლინში საშობაო ბაზრობაზე სატვირთო მანქნა შევარდა. შემთხვევის შედეგად დაიღუპა 12 და დაშავდა 48 ადამიანი. თავდასხმაზე პასუხისმგებლობა ”ისლამურმა სახელმწიფომ” აიღო.

ეჭვმიტამინზლე ძებნა გამოცხადდა. ტერორისტის ადგილ-სამყოფელის შეტყობინებისათვის პოლიციას ჯილდოდ 100 ათასი ევრო ჰქონდა დაწესებული.