მალტაში დაეშვა ლიბიის თვითმფრინავი, რომელიც გავრცელებული ინფორმაციით გაიტაცეს. ბორტზე 118 ადამიანი იმყოფება და ის შიდა რეისს ასრულებდა.

მალტის პრემიერ-მინისტრმა ჯოზეფ მუსკატმა განაცხადა, რომ სამგზავრო თვითმფრინავის შესაძლო გატაცების შესახებ აცნობეს.

”ინფორმაცია მომაწოდეს ლიბიის თვითმფრინავის სავარაუდო გატაცების შესახებ”, -წერს პრემიერი ”ტვიტერში”.

გამოცემა Times of Malta-ის ცნობით, ავიაკომპანია Afriqiyah Airways-ის თვითმფრინავი А320, მალტის აეროპორტში დაეშვა. ლაინერი რეისს სებჰიდან ტრიპოლის მიმართულებით ასრულებდა. ბორტზე ორი გამტაცებელი იმყოფება, რომლებიც თვითმფრინავის აფეთქებით იმუქრება.

მალტის აეროპორტის წარმომადგენლები ადასტურებენ, რომ აეროპორტში თვითმფრინავი უკანონოდ დაეშვა და მის ბორტზე ორი გამტაცებელი იმყოფება. აეროპორტში საგანგებო სიტუაციების სამსახურის თანმაშრომლები და სცპერაზმელები არიან მობილიზებულნი.