იმ დროს, როცა ჯორჯ მაიკლის მეგობრები მისი გარდაცვალების გამო მწუხარებას გამოთქვამენ, მომღერლის ნათესავები და ახლობლები მომხდარის შესახებ კომენტარის გაკეთებას არ ჩქარობენ.

თუმცა მაიკლის ბოიფრენდმა ფადი ფავაზმა თავისი განცდების გაზიარებისგან თავის შეკავება მაინც ვერ შეძლო.

”ეს შობა არასდროს დამავიწყდება. ჩემი პარტნიორი მკვდარი ვიპოვე, ის მშვიდად იწვა საწოლში. არასდროს დავიღლები მისი მონატრებით”, - წერს Twitter-ში ფავაზი.

ამის გარდა მან თავისი პროფილის სურათიც შეცვალა და ახლა მის ავატარზე გამოტანილია ფოტო, რომელზეც ჯორჯ მაიკლს ლოყაზე კოცნის.

ჯორჯ მაიკლი და სტილისტი ფადი ფავაზი ერთმანეთს 2011 წლიდან ხვდებოდნენ, მანამდე მომღერალს 15-წლიანი რომანი ჰქონდა კენი გოსთან. სწორედ ფავაზი იყო მომღერლის გვერდით, როდესაც მის პირად ცხოვრებაში სერიოზული ცვილებები მოხდა და ჯანმრთელობა შეერყა.