სოციალურ ქსელში აქტიურად განიხილავენ მორიგ ოპტიკურ ილუზიას. ფოტოზე, რომელიც Reddit-ის მომხმარებელმა გამოაქვეყნა, აღბეჭდილია რამდენიმე გოგონა,  თუმცა ,ერთ-ერთი მათგანის ფეხები  ”გამქრალია”.

დივანზე ზის ხუთი გოგონა, თუმცა მხოლოდ ოთხი წყვილი ფეხი ჩანს. ზოგიერთი მომხმარებელი ხუმრობს და წერს, რომ გოგონა ”დივანის კენტავრია”. ზოგიერთი კი ზედმეტი ფიქრისგან თავის ატკიებას მოერიდა და განაცხადა, რომ სწორ პასუხს დაელოდებოდა.

ამასთან მომხმარებლების უმეტესობამ ივარაუდა, რომ სინამდვილეში ფეხები არსად ”გამქრალა”, მათი აზრით, საქმე იმაშია, რომ ორ გოგონას, რომლებიც მარცხნივ სხედან, შავი ჯინსის შარვლები აცვიათ, თუმცა მათი გარჩევა ძნელია.

სოციალურ ქსელში ოპტიკურ ილუზიბზე პირველად არ დაობენ. ნოემბერში მომხმარებლები აქტიურად განიხილავდნენ ”შლოპანცების” ფერს, გასულ წელს კი კაბის ფერის გამო მომხმარებლები ორ ნაწილად გაიყვნენ.