საზოგადოებრივი მაუწყებლის გენერალური დირექტორის ვინაობა ხვალ გახდება ცნობილი
საზოგადოებრივი მაუწყებლის გენერალური დირექტორის ვინაობა ხვალ გახდება ცნობილი. კენჭისყრა 12:00 საათზეა დანიშნული.
დირექტორობის კანდიდატებთან სამეურვეო საბჭოს შეხვედრები დღეს გაიმართა.
კონკურსის მეორე ტურში სულ 5 კანდიდატი მონაწილეობს - ვასილ მაღლაფერიძე, ნინო ზაუტაშვილი, ზაალ ანჯაფარიძე, ნათია კუპრაშვილი და თინათინ ბერძენიშვილი.
საზოგადოებრივი მაუწყებლის გენერალურ დირექტორად არჩეული იქნება ის კანდიდატი, რომელიც სამეურვეო საბჭოს წევრთა მინიმუმ ხუთ ხმას მიიღებს. თუ 5 ხმის დაგროვება ვერც ერთმა კანდიდატმა ვერ შეძლო, ასეთ შემთხვევაში მეორე ტური დაინიშნება.
