ქაბულში აფეთქებების შედეგად დაღუპულთა რაოდენობა 51-მდე გაიზარდა
ქაბულში გუშინ მომხდარი ორი აფეთქების შედეგად დაღუპულთა რაოდენობა 51-მდე გაიზარდა. ადგილობრივი ხელისუფლების მონაცემებით დაჭრილია 150-მდე ადამიანი. ხელისუფლების წარმომადგენელთა განცხადებით, პირველი აფეთქება დარულამანის რაიონში თვითმკვლელმა ტერორისტმა განახორციელა. დანაღმული ავტომობილი კი პარლამენტის შენობის წინ აფეთქდა. გავრცელებული ინფორმაციით, დაჭრილთა შორის არის პარლამენტის ქალი დეპუტატიც.
აფეთქებებზე პასუხისმგებლობა რადიკალურმა მოძრაობა ”თალიბანმა” აიღო.
