რამდენიმე თურქმა ოფიცერმა და დიპლომატმა, რომლებიც ნორვეგიაში მუშაობდნენ, ქვეყნის ხელისუფლებას პოლიტიკური თავშესაფრის თხოვნით მიმართეს. მათი თქმით, თურქეთში დაბრუნების შემდეგ დაპატიმრება ემუქრებათ. ამის შესახებ გამოცემა  VG- წერს.

სამხედროები ნორვეგიაში გასული წლის შემოდგომამდე მუშაობდნენ, მაგრამ მანამდე  გადატრიალების მცდელობის შემდეგ ისინი თურქეთში უნდა დაბრუნებულიყვნენ, რაზეც დაპატიმრების საფრთხის გამო უარი თქვეს.

”დღეს დაბრუნება შეუძლებელია. ნორევგიაში დამითხოვეს სამსახურიდან, ჩემი პასპორტი ანულირებულია. თუ დავბრუნდები, დაუყოვნებლივ დამაპატიმრებენ, მაწამებენ. მაიძულებენ მივცე ცრუ ჩვენებები”, - განუცხდა გამოცემას ერთ-ერთმა სამხედრომ.

გამოცემა აღნიშნავს, რომ ნორვეგიული მხარისთვის საკითხი მეტად დელიკატურია, რადგან თურქეთი და ნორვეგია მოკავშირეები არიან.

თურქეთში 16 ივლისს ამბოხებულებმა სამხედრო გადატრიალება სცადეს. მოვლენები ანკარასა და სტამბულში განვითარდა. შეტაკებებს 240 ადამიანი ემხვერპლა, 2 ათასაზე მეტი კი დაიჭრა.