ჯგუფი, რომელმაც ამერიკელი ტელე-ვარსკვლავი კიმ კარდაშიანი გაძარცვა, ხანდაზმული ადამიანებისგან შედგებოდა, რომელთაგან ყველაზე უმცროსი 54 წლის იყო.

ტელეარხ LCI-ის ცნობით, თავდასხმის ორგანიზატორი 60 წლის რეციდივისტი აომარ აოთ ჰედაში იყო. მის დაჯგუფებაში შედიოდნენ 61 წლის დიდიე დიუბრეკი, 63 წლის იუნის აბასი და 72 წლის პიერ ბუიანერი.

კარდაშიანი გასული წლის 3 ოქტომბერს პარიზის ერთ-ერთ კერძო სასტუმროში გაძარცვეს. მას 9 მლნ ევროს ღირებულების ოქრო მოპარეს. მძარცველებმა ასევე წაიღეს ორი მობილური ტელეფონიც. თავდამსხმელები პოლიციელების ფორმაში იყვნენ ჩაცმული და ნიღბები ეკეთათ. მათ თავიანთი მსხვერპლი დააბეს და აბაზანაში ჩაკეტეს. კარდაშიანი არ დაშავებულა, თუმცა ძლიერი შოკი მიიღო.

თავდამსხმელები სპეცოპერაციის დროს, 9 იანავრს დააკავეს.