პოლონეთში ყინვის შედეგად გარდაცვლილთა რაოდენობა 85-მდე გაიზარდა
ბოლო 24 საათის განმავლობაში პოლონეთში ძლიერი ყინვისგან კიდევ ორი ადამიანი გარდაიცვალა. ბოლო ორი თვის განმავლობაში სხეულის გადაციების შედეგად გარდაცვლილთა რაოდენობა 85-მდე გაიზარდა.
პოლონეთში ტემპერატურის მკვეთრი დაცემა იანვრის პირველი ნახევრიდან დაიწყო. განსაკუთრებით დაბალი ტემპერატურა დაფიქსირდა მალოპოლსკის რაიონში, სადაც თერმომეტრმა -37 გრადუსი აჩვენა.
მეტეოროლოგების მონაცემებით, აღმოსავლეთ პოლონეთში ტემპერატურა დღეს მინუს 6 გრადუსამდე დაიკლებს, კარპატებში კი 10 გრადუსი ყინვაა მოსალოდნელი.
