საგარეო ურთიერთობათა კომიტეტის თავმჯდომარე, სოფიო ქაცარავა და კომიტეტის წევრი, ირაკლი მეზურნიშვილი დიდი ბრიტანეთისა და ჩრდილოეთ ირლანდიის გაერთიანებული სამეფოსსაგანგებო და სრულუფლებიან ელჩს საქართველოში, ჯასტინ მაკენზი სმიტს შეხვდნენ.

შეხვედრაზე, მხარეებმა საქართველოსა და დიდ ბრიტანეთს შორის არსებული მჭიდრო პარტნიორული ურთიერთობები და ორმხრივი თანამშრომლობის შემდგომი გაღრმავების პერსპექტივებიგანიხილეს. საუბარი შეეხო საპარლამენტო ურთიერთობების განმტკიცებას, საქართველოში საინვესტიციო პროექტების განხორციელებასა და ეკონომიკური და სავაჭრო ურთიერთობების კიდევუფრო მეტად განვითარებას, აგრეთვე, ხალხთა შორის კონტაქტების გაძლიერებას. აღინიშნა, რომ უახლოეს ხანებში საქართველოს პარლამენტში ოფიციალურად შეიქმნება დიდ ბრიტანეთთანმეგობრობის ჯგუფი, რომელიც აქტიურ როლს ითამაშებს ორ ქვეყანას შორის ურთიერთობების განვითარების თვალსაზრისით. საუბარი შეეხო სამომავლო გეგმებს და ამოცანებს, უახლოესპერიოდში დაგეგმილ ღონისძიებებს, მათ შორის განხილული იქნა დოკუმენტური ფილმის გადაღების იდეა ქართულ-ბრიტანულ ურთიერთობებზე, რომელიც თანამშრომლობის სხვადასხვასფეროებს მოიცავს.

„ჩვენი ერთ-ერთი მნიშვნელოვანი ამოცანა ორმხრივი ურთიერთობების გაძლიერებაა ჩვენს პარტნიორებთან. მეტ ყურადღებას დავუთმობთ სტრატეგიული ურთიერთობის გაღრმავებასსაპარლამენტო კუთხით უორდროპის სტრატეგიული დიალოგის ფორმატის ფარგლებში. თანამშრომლობის სამომავლო საინტერესო გეგმები გვაქვს, როგორც დიდი ბრიტანეთისპარლამენტთან, ასევე უელსისა და შოტლანდიის პარლამენტებთან", - განაცხადა სოფიო ქაცარავამ.

შეხვედრაზე ჯასტინ მაკკენზი სმიტმა საგარეო ურთიერთობათა კომიტეტთან და მეგობრობის ჯგუფებთან სხვადასხვა მიმართულებით თანამშრომლობისთვის მხარდაჭერა გამოხატა.