ახალგაზრდა მამაკაცი ნიანგმა შეჭამა
უბედური შემთხვევა ავსტრალიაში - კაკადუს ეროვნულ პარკში ახალგაზრდა მამაკაცი ნიანგმა შეჭამა.
ტელეკომპანია ABC-ის ცნობით, მამაკაცი პარკში ორ ქალბატონთან ერთად იმყოფებოდა. მათ მდინარის ფეხით გავლა გადაწყვიტეს.
ქალებმა მეორე ნაპირამდე მშვიდობიანად გააღწიეს, მამაკაცი, კი, რომელიც მათ უკან მოჰყვებოდა, გაუჩინარდა.
მაშველებმა მისი სხეულის ფრაგმენტები შემთხვევის ადგილიდან 2 კილომეტრში აღმოაჩინეს, 3,5 მეტრიანი ნიანგი კი, რომელსაც მამაკაცი თითქმის ნახევრად ჰყავდა შეჭმული, ადგილზე მოკლეს.
