აშშ-ის პრეზიდენტის დონალდ ტრამპის მეუღლე მელანია ინაუგურაციის შემდეგ ნიუ-იორკში დაბრუნდა.

”პირველი ლედი ყველას მადლობა უხდის მხარდაჭერისა და ვაშინგტონში თბილი მიღებისთვის. ის ბრუნდება ნიუ-იორკში, სასწავლო კვირის დაწყების წინ და უახლოეს კვირას ნიუ-იორკსა და ვაშინგტონში გაატარებს”, - განუცხადა ”სი ენ ენს” მელანია ტრამპის წარმომადგენელმა.

ნოემბერში დონალდ ტრამპმა განაცხადა, რომ მელანია და მათი 10 წლის ვაჟი ბერონი თეთრ სახლში მას შემდეგ გადავლენ, როგორც კი სკოლაში სწავლა დამთავრდება.

პოლიტილოგები არ გამორიცხავენ, რომ აშშ-ის ფაქტიური ”პირველი ლედი” არა მელანია, არამედ პრეზიდენტის ქალიშვილი ივანკა ტრამპი გახდება, რომელსაც ზოგიერთი ექსპერტის აზრით, პრეზიდენტზე უფრო მეტი გავლენა აქვს.