ერაყელმა სამხედროებმა ისლამისტების მომზადების ბანაკები გაანადგურეს
ერაყის სამხედრო-საჰაერო ავიაციამ ანბარის პროვინციაში ”ისლამური სახელმწიფოს” ტერორისტების მომზადების ორი ბანაკი დაბომბა. განადგურებულია 45 მებრძოლი. ავიადარტყმები ქალაქ ელ-ქაიმში განხორციელდა, რომელიც ანბარის პროვინციაში ისლამისტების უკანასკნელი დასაყრდენია.
სამხედროების ცნობით, პირველ ბანაკში 15 ტერორისტი მოკლეს, მეორეში კი - 30. დაჭრილია კიდევ 23 მებრძოლი, განადგურებულია ”ისლამური სახელმწიფოს” იარაღის მარაგი და ტექნიკა, რომელიც ბანაკებში ინახებოდა.
ერაყელმა სამხედროებმა მოსულში მიმდინარე ოპერაციის პარალელურად ანბარის პროვინციის დასავლეთით აქტიური მოქმედებები იანვრიდან დაიწყეს.
