ფრანგი და ლუქსემბურგელი მეცნიერების განცხადებით კბილის პასტებისა და საღეჭი რეზინების უმეტესობა შეიცავს საკვებ საღებავს E171-ს (ტიტანის დიოქსიდი). The Independent-ის ინფორმაციით,  შესაბამისი კვლევა ჟურნალ Scientific Reports-ში გამოქვეყნდა.

მეცნიერთა აზრით, ტიტანის დიოქსიდი, შესაძლოა იყოს კანცეროგენის - კიბოს განვითარების გამომწვევი. ასეთ დასკვნამდე სპეციალისტები ვირთხებზე ჩატარებული ცდების შემდეგ მივიდნენ.

ნაერთი E171 წარმოადგენს ტიტანური მრეწველობის ერთ-ერთ ძირითად პროდუქტს. საკვებში როგორც წესი, ის გამათეთრებლის სახით გამოიყენება, უფრო ხშირად შეიძლება შევხვდეთ ტკბილეულში, ორცხობილებსა და საღეჭ რეზინებში, ასევე კბილის პასტებსა და მზისგან დამცავ კრემებში.

მეცნიერებს არ შეუძლიათ იმის თქმა, ვრცელდება თუ არა ეს საფრთხე ადამიანებზე, თუმცა არც გამორიცხეს. ამის გამო საფრანგეთის ხელისუფლებამ გადაწყვიტა ჩაატაროს ფართომასშტაბიანი გამოძიება საკვებ მრეწველობაში E171-ს გამოყენების უსაფრთხოების შესახებ.