საპარლამენტო უმცირესობის წარმომადგენლებმა უკრაინის ელჩის მოვალეობის შემსრულებელს გიორგი ცერცვაძის თავდებობის შესახებ წერილი გადასცეს. დოკუმენტს ხელს აწერს 21 დეპუტატი. ისისნი უკრაინაში დაკავებული ქართველი ვიცე-პოლკოვნიკის დაუყოვნებლივ გათავისუფლებას ითხოვენ და უკრაინის ხელისუფლებას მოუწოდებენ არ მოხდეს მისი გადაცემა რუსეთის ფედერაციისთვის. 
ამასთანავე, ოთარ კახიძის განცხადებით, ნებისმიერ დეპუტატს, რომელსაც სურვილი ექნება შეუძლია დაემატოს თავდებთა სიას. მისი თქმით, აღნიშნილი წერილი საჯაროა და ის გუშინ ბიუროს სხდომაზე უმცირესობის წარმომადეგნელებმა ყველა დეპუტატს გააცნეს. 
„საპარლამენტო უმცირესობა თავდებში უდგება გიორგი ცერცვაძეს, რათა ის გათავისუფლდეს და ისე მოხდეს მისი ექსტრადირების საქმის განხილვა. ასევე ვითხოვთ უარი ეთქვას რუსეთის ფედერაციას მის ექსტრადირებაზე. თავდებობის წერილში მითითებულია ევროკონვენციის 39-ე მუხლი, რომლის თანახმადაც დაცვის მხარემ უნდა მიმართოს ევროსასამართლოს დროებითი ღონისძიების გამოყენების თაობაზე, რათა თავი დავიზღვიოთ და არ მოხდეს არც ერთ შემთხვევაში გიორგი ცერცვაძის გადაცემა რუსეთისთვის. ჩვენ ყველა საკითხზე დახმარებას აღმოვუჩენთ ადვოკატს, რომელთანაც ფაქტიურად ვთანამშრომლობთ“, - განაცახად კახიძემ.