ცნობილმა ამერიკელმა მსახიობმა და მოდელმა პამელა ანდერსონმა განაცხადა, რომ აშშ-ის პირველ ლედის მელანია ტრამპს ხელოვნულ ბეწვის ქურქს გაუგზავნის. ამის შესახებ  წერს გამოცემა Hill-ი.

”მე მას ერთ-ერთ რუსულ ხელოვნურ ქურქს გავუგზავნი საჩუქრად, რადგან დღეს ბეწვეულის დიზაინზე რუსეთში ვმუშაობ”, - განაცხადა ანდერსონმა ვაშინგტონში გამართულ ღონისძიებაზე  ”ადამიანები ცხოველებისადმი ეთიკური მოპყრობისათვის”.

პამელა ანდერსონი ცხოველების გამორჩეული დამცველია და მოდის ინდუსტრიაში ნატურალური ბეწვის გამოყენების წინააღმდეგ იბრძვის. ის ამასთანავე ცხოველების დაცვის საერთაშორისო ფონდის საკონსულტაციო საბჭოს წევრია.