Turkish Airlines-მა 26 იანვარს თბილისის მიმართულებით დაგეგმილი რეისები გააუქმა
მეტეოროლოგიური პირობების გამო, 26 იანვარს თურქული ავიაკომპანია Turkish Airlines-ი თბილისის მიმართულებით რეისებს აუქმებს.
როგორც „ტავ ჯორჯიაში“ განმარტავენ, გაუქმდა 10:50 საათზე (ჩამოფრენა) და 11:45 საათზე (გაფრენა) დაგეგმილი რეისები. ასევე გაუქმებულია 17:15 საათზე (ჩამოფრენა) და 18:10 საათზე (გაფრენა) დაგეგმილი რეისებიც.
თურქული მედიის ინფორმაციით კი Turkish Airlines-მა (THY) გააქმა 26-27 იანვარს დაგეგმილი 327 რეისი. საუბარია როგორც ადგილობრივ ასევე საერთაშორისო რეისებზე.
