გიორგი მარგველაშვილი პარლამენტში, ყოველწლიური მოხსენებით, სავარაუდოდ მარტში წარდგება.

პრეზიდენტის საპარლამენტო მდივანმა ანა დოლიძემ დღეს განაცხადა, რომ აღნიშნულ საკითხზე კონსულტაციები გაიმართა პარლამენტთან.

”იქედან გამომდინარე, რომ სქართველოს პრეზიდენტს სულ ახლახან ჰქონდა მიმართვა ახლად არჩეული პარლამენტისადმი, ჩვენი დღის წესრიგიდან გამომდინარე, ჩვენ კონსულტაციები გავმართეთ საქართველოს პარლამენტთან და შევჯერდით, რომ უპრიანი იქნებოდა პრეზიდენტის გამოსვლა ყოფილიყო მოგვიანებით, გაზაფხულზე, სავარაუდოდ, მარტში. საქართველოს პრეზიდენტის გამოსვლა, ბუნებრივია, შეეხება ყველა იმ საკითხებს, რომელსაც ჩვენ ვთვლით, რომ საჭირბოროტოა მოსახლეობისთვის და კონკრეტულად ყურადღება უნდა მიაქციოს საქართველოს პარლამეტმა”, - განაცხადა ანა დოლიძემ.